ამ რესურსებს თქვენითაც იპოვიდით, მჯერა, თუმცა ერთ სივრცეში თავმოყრილს, რა ჯობია?!

მასალებს მარტივად გამოიყენებს, როგორც პედაგოგი, ასევე სტუდენტი. აქვე იპოვით სკოლის მოსწავლის შესაფერის სასწავლო მასალებსაც.

Dreamreader.net – კითხვის და მოსმენის პრაქტიკა

აქ ნახავთ სხვადასხვა დონის და მიმართულების თემატურ ტექსტებს, რასაც თან ახლავს ტექსტის აუდიო ვერსია, ქვიზები და ლექსიკონი.

Commonlit.com – რესურსები III-XIII კლასებისთვის

აქ ნახავთ კლასის შესაბამის ტექსტებს, წიგნებს, ქვიზებს, ხოლო მასწავლებლებს შეუძლიათ აქვე შეაფასონ, შეიტანონ შენიშვნები და განიხილონ.

Starfall.com – ბაღის და სკოლის დაწყებითი კლასის მოსწავლეებისთვის

აქ ნახავთ სახალისო სავარჯიშოებს ანბანის, მარტივი ფრაზების, ტექსტების სახით. რასაკვირველია, ძირითადად ანიმაციური ვიზუალით და გახმოვანებით.

Speakandimprove.com – ესაუბრე რობოტ სენდის

ესაუბრე რობოტ სენდის და დახვეწე ლაპარაკის და მოსმენის უნარები. რობოტი სენდი შეაფასებს თქვენს ლაპარაკს და გაგავარჯიშებთ.

Quillbot.com – მართლწერის და ლექსიკონის გაუმჯობესება

ეს პორტალი საშუალებას მოგცემთ იმუშაოთ პერიფრაზებზე, გაიუმჯობესოთ ლექსიკონი და შეამოწმოთ გრამატიკა/მართლწერა. მიზანშეწონილია მასწავლებლებისთვის, ინგლისურენოვანი ქოფირაითერებისთვის და ზოგადად, იმ ადამიანებისთვის, ვინც ინგლისურ ენაზე წერს.

Fobook.ru – მხატვრული ლიტერატურა და ჟურნალები

აქ, დონეების მიხედვით და ასევე ორიგინალში იპოვით და PDF ფორმატში ჩამოტვირთავთ ლიტერატურულ ნაწარმოებებს, კომიქსებს, ჟურნალებს.

Audio-lingua.eu – აუდიო სამყარო 14 ენაზე

დიახ, არ მოგეჩვენათ – აქ იპოვით აუდიო რესურსებს 14 ენაზე, მათ შორის ოთხ რეგიონალურ ენაზე – ინგლისური, ფრანგული, რუსული, გერმანული, ესპანური, იტალიური, ოქსიტანური, კატალანური, კორსიკული და ა.შ.